O Servizo de Normalización lingüística e a Concellaría de Cultura de Ourense, dentro do Apego poñen andar un novo programa de actividades dirixido aos máis pequenos e pequenas da casa e ás súas familias: Teatro e música para bebés
As actividades terán lugar na Sala de ensaios do Auditorio Municipal, habilitada para a realización destas actividades.
Como novidade, mercando 5 entradas poderase adquirir un bono desconto do 20% e como vén sendo até agora, os bebés entrarán gratis.
Á parte destas actividades específicas para bebés, até 6 anos, teremos outras para desfrutar en familia, no Auditorio municipal na Sala Principal onde queda de manifesto o compromiso que ten este Concello coa nosa lingua e cultura. Propostas de circo, teatro, maxia e música para desfrutar en familia.
14 de febreiro “Xoga” da compañía Entremans: Un encontro didáctico que conxuga espazo escénico, audiovisual, música e danza. Recomendado para maiores de 3 anos.
21 de febreiro: “25 anos de Tolemaxias” do Mago Teto, espectáculo de maxia para maiores de 5 anos.
28 de febreiro: “Sons Miúdos” o Gran espectáculo da música infantil galega, un percorrido pola historia da música galega infantil dos últimos 15 anos. Espectáculo para toda a familia.
6 de marzo:”Zona en obras” de A tropa de Trapo. A nova tolería de Brais das hortas, narración, música, marionetas, instrumentos con obxectos e moito ritmo. A partir de 5 anos.
13 de marzo: “O segredo do tendal” de Raquel Queizás espectáculo a partir de 3 anos.
20 de marzo:”Gretel e Bela” de Teatro da Semente a partir de 5anos. Viaxe iniciática cara ao crecemento persoal.
27 de marzo “Forzu2” do Circo Chosco, espectáculo circense con aéreos. Para todos os públicos
3 de abril: “Rosa Caramelo e outras historias” de Talía teatro: espectáculo para nenos e nenas onde se lle dá a volta a roles e estereotipos de xénero. A partir de 4 anos.
8 de abril: “Canta o cuco” de Uxía e Magín Blanco. Espectáculo musico teatral homenaxe a Manuel María. Todos os públicos.
10 de abril “Güela, Güela” de Galitoon. Sobre cegoñas que levan os acabados de nacer aos seus fogares. A partir de 2 anos.
Podedes descargar o programa completo na páxina web de Cultura do Concello de Ourense: