DESCARGAS

DA CAIXA DO APEGO

APEGO. Pequena guía para unha grande aventura
Libro informativo dirixido ás embarazadas para preparar a acollida das crianzas

 

O meu álbum. Lembranzas do meu primeiro ano
Mostra dalgunhas páxinas do álbum deseñado especialmente para gardar as lembranzas máis importantes, divertidas e especiais do primeiro ano de vida do bebé: a primeira ecografía, a música que soaba ou que había na tele e no cine o día que naceu o bebé, o primeiro riso, o prezo do pan, a primeira obra de arte etc.

 

DAS COUSAS DO TEMPO

Mariña, unha historia para contar os meses. Calendario Apego 2019 (.pdf, 1,3 MB)
Calendario de Apego do ano 2019 está pensado para que poida ser impreso en tamaño A4 e unido por un anel ou cordel, e incluso para colgar. Ademais, cando remate 2019 pódese cortar a parte de abaixo de cada mes, e queda un conto ben xeitoso para comprender o paso do tempo!

 

Tempo meteorolóxico e tempo cronolóxico (.pdf, 841 KB)
Que día é hoxe? En que estación estamos? Fóra está solleiro ou nubrado? Sabedes que celebramos hoxe? Estamos todas? Falta algún amiguiño? En moitas escolas de educación infantil a xornada comeza así. Esta dinámica axuda ás crianzas a comprender pouco a pouco o paso do tempo e é un bo punto de partida para coñecer o desenvolvemento das rutinas diarias.

 

Pasatempo: para saber do tempo (.pdf, 168 KB)
Con este descargable e unha caixa de DVD podes facer do tempo algo divertido! Un xogo para aprendermos a dicir a hora e mirar o reloxo.

 

DE EVENTOS SOCIAIS

Modelos de convites (.pdf, 37 MB)
Modelos de convites (.zip, 36 MB)
Vas celebrar unha festa de aniversario e queres que sexa o máis especial posible? Queres convidar unha amiguiña a xogar á casa? Ides festexar a chegada do voso bebé? Aquí tes uns convites pensados para ti e a túa familia! Podedes descargalos en formato imaxe ou pdf, cubrilos e enviárllelos ás amizades.

 

DA ORGANIZACIÓN E DAS RUTINAS

Tarxetas de rutina (.pdf, 1,66 MB)
Bo día, vístome, almorzo, lavo os dentes, vou ao cole, xanto, a xogar!, merendo, recollo os xoguetes, dúchome, ceo, déitome… Aquí vos deixamos estas tarxetas recortables que lles poden servir de guión aos nenos e ás nenas para saberen en que momento do día se atopan e o que teñen que facer, por exemplo, xogar, recolleren os xoguetes, cear ou iren para a cama.

 

Menú semanal (.pdf, 168 KB)
Que haberá para xantar na casa? Hoxe toca peixe ou era carne? E cando haberá pasta, co que a min me gusta! Planifica o voso menú semanal con este descargable e… a comer!

 

Fago a maleta
Para aprendermos os nomes das pezas de vestir, para escoller o que precisamos levar nunha maleta de viaxe, para sermos cada vez máis autónomas e acabarmos vestíndonos soíñas… Unha folla que podedes imprimir cada vez que queirades facer a maleta ou simplemente cando xoguedes a motivalas na súa autonomía diaria.

 

DAS COUSAS DO NADAL

Tarxetas de Nadal (.pdf, 649 KB)
Enviarlles bos desexos polo Nadal ás persoas queridas é un costume que podemos seguir practicando coas crianzas. Imprimir as tarxetas, escribir unhas palabriñas e achegarnos á oficina postal para envialas é todo un ritual onde lles podemos mostrar o agradable que é enviar e recibir felicitacións.

 

Etiquetas para agasallos do Nadal (.pdf, 664 KB)
Para agasallarmos no Nadal con todos os bos desexos podemos dedicar un tempiño a imprimir e recortar os tres modelos de imaxes: “Bo Nadal!”, “Este agasallo é para…” e “De hoxe nun ano!”. Os nosos agasallos terán algo máis persoal e serán recibidos en galego por toda a familia.

 

Grilanda do Apalpador (.pdf, 707 KB)
Grilanda para decorar en tempo de Nadal os nosos fogares coas crianzas. Poderemos pasar un agradable anaco falando da figura do Apalpador mentres recortamos e fabricamos a nosa propia grilanda. É moi sinxelo!

 

DE COMO SE CHAMAN

Os bits son un método didáctico dirixido a crianzas de entre 0 e 6 anos para mellorar a atención, facilitar a concentración e desenvolver e estimular a memoria e a aprendizaxe. A súa metodoloxía baséase en mostrar información visual e auditiva de xeito rápido mediante tarxetas de información e que os nenos e as nenas consigan identificalas e nomealas.

Bits tarxetas para imprimir de animais (.pdf, 4,7 MB)
Bits para pantalla animais: aves (.pdf, 1,5 MB)
Bits para pantalla animais: mamíferos (.pdf, 2,7 MB)
Bits para pantalla: animais mariños (.pdf, 1,8 MB)
Bits para pantalla animais: réptiles e anfibios (.pdf 1,8 MB)
Bits para pantalla animais: invertebrados terrestres (.pdf, 1,7 MB)
Bits para pantalla animais: as partes do corpo (.pdf, 4,5 MB)
Ourizo, lavandeira, arroaz, sapoconcho, píntega… Neste espazo preséntanse os animais máis próximos en dúas versións: nun arquivo de tarxetas para imprimir, onde se pode reproducir o audio cun lector de códigos QR e mais en varios arquivos para mostrar en pantalla as imaxes, cun audio asociado para o que só hai que descargar os arquivos e habilitar o contido en 3D. Probamos?

 

Bits tarxetas para imprimir das miñas cousas (.pdf, 8 MB)
Bits para pantalla: as miñas cousas (.pdf, 8,1 MB)
Sabermos como se chaman os trebellos máis próximos, os nomes das pezas de vestir, os xoguetes cos que enredamos ou que o osiño co que durmimos é unha peluche é unha boa maneira de comezar a identificar o mundo que nos rodea. Estes bits preséntanse en dúas versións: nun arquivo de tarxetas para imprimir, onde se pode reproducir o audio cun lector de códigos QR e mais nun arquivo para mostrar en pantalla as imaxes, cun audio asociado para o que só hai que descargar os arquivos e habilitar o contido en 3D desde os arquivos que teñamos gardados.

 

Bits tarxetas para imprimir: alimentos (.pdf, 14,5 MB)
Bits para pantalla: alimentos (.pdf, 5,62 MB)

 

Nomear os alimentos é algo que comezan a facer ben cediño… Velaquí unha selección de todas esas cousas que axiña van ter o pracer de degustar: iogur, pexego, amorodo, cabaciño, zume… Achéganse dous arquivos: un de tarxetas para imprimir, onde se pode reproducir o audio cun lector de códigos QR e mais un arquivo para mostrar en pantalla as imaxes, cun audio asociado. Para reproducir o audio hai que descargar os arquivos no equipo propio, gardalos e abrilos desde aí habilitando o contido en 3D.

 

Pin It on Pinterest

Share This