NOVAS

A sección de outros recursos a un clic do noso web conta con tres novos recursos ben interesantes: Galego para peques, Pido papas e Onde nace a lingua. ler máis

Caracol, caracol, deita os corniños ao sol! Coa chegada da primavera comeza unha nova serie de actividades do programa Apego no concello de Pontevedra. A programación está dirixida a familias con crianzas de 0 a 6 anos, ou que están á espera dun bebé, e ten como obxectivo arroupar e acompañar a crianza en galego. A través de distintas actividades, as familias acceden a recursos e ferramentas que contribúen á activación e ao enriquecemento da nosa lingua no seo familiar, ao tempo que tecen redes e acceden a espazos de socialización en galego. Aínda que todas as actividades da programación, que se vai estender desde abril ata xuño, son de balde, cómpre inscribirse previamente en apuntate.pontevedra.gal, xa que a cabida é limitada. ler máis

Neste mes primaveral, temos dous mércores moi bibliófilos: o Día da literatura infantil e xuvenil e o Día do libro (o 2 e o 23, respectivamente), polo que no Espazo Apego aproveitaremos para celebrar a nosa literatura. ler máis

Volven os Rechouchíos con propostas sobre a igualdade neste mes de marzo e en abril teremos teatro, narración oral e moita música. ler máis