A viaxe e Carla Muñoz en Moaña

Este conto interactivo é unha viaxe polos sentidos. A través de diferentes contos e xogos con teas, obxectos, luces, sons e música, os máis cativos e cativas irán percorrendo na súa barquiña unha chea de illas nas que vivirán aventuras trepidantes e á par aprenderán conceptos como as cores, os números, as formas, as partes do corpo… Unha experiencia única para nenas e nenos de 1 ano en diante.

Esta actividade organizada polo Concello de Moaña vai ser signada por Xoga (Organización de Discapacidade Sensorial de Galicia), é dicir, vai contar cunha persoa intérprete en lingua de signos.