Un día para as Letras – Polo Correo do Vento – Moaña

Este obradoiro creativo mestura a arte de contar contos coa arte de pintalos e ilustralos.

Nesta ocasión Quique e Carlos veñen a Moaña para renderlle unha homenaxe ao escritor e intelectual Francisco Fernandez del Riego ao que este ano se lle dedicou o Día das Letras Galegas.

De xeito ameno e participativo viaxaremos pola biografía do homenaxeado coa creación dunha ilustración e a interpretación de varias pezas musicais en directo.

Vide participar nesta contada! Remataremos pintando entre todas e todos unha caricatura.

Esta actividade está patrocinada pola Deputación de Pontevedra.