Un pirata, un xogador de futbolín, unha bailarina de caixiña de música e un único desexo: xogar sen límites para medrar sen “medidas”.
Ghazafelhos proponnos reflexionar sobre a igualdade de xénero, o cambio de roles ou os estereotipos sociais.
Iriña bailarina esculca na ruptura de roles convencionais. O espectáculo está baseado no conto do mesmo título de Cristina Justo e Paloma Rodríguez da colección “A igualdade conta” de Ed. Embora.
Esta actividade de teatro está recomendada a partir dos 3 anos de idade e vai ser signada por Xoga (Organización de Discapacidade Sensorial de Galicia), é dicir, vai contar cunha persoa intérprete en lingua de signos.
Para poder seguir as normas de hixienización, o acceso ao espazo comezará arredor de vinte minutos antes da actividade. É obrigatorio o uso de máscara en todo o recinto.