APEGO NA PRIMAVERA EN PONTEVEDRA
Fíos do Querer, con Cé Orquestra Pantasma. Obradoiro para familias con nenas e nenos de 0 a 5 anos. Co obxectivo de aprender cantigas este obradoiro musical está pensado para cantar, bailar e xogar en familia. Acompañados dos seus pais, gozarán de cantigas de primeiras palabras, para abanear, para dar bicos, abrazos, facer palmiñas, o cabaliño… O obradoiro divídese en dúas partes: unha primeira de música para xogar, cantar e bailar e unha segunda de exploración instrumental con axóuxeres e obxectos sonoros feitos a partir de materiais naturais.
Cé Orquestra Pantasma ten dous libros-CD publicados: Fíos do Querer e A Voar. Máis información: https://miudinho.gal/
Podes ver todo o programa do Apego na primavera en Pontevedra e inscribirte en apuntate.pontevedra.gal.