Un pobo de oficios e saberes é un programa de actividades en familia que xira arredor dos oficios tradicionais galegos, o artesanado e os saberes populares. Desta volta, aprenderemos sobre carpinteiros, ebanistas e toneleiros a través dunha charla do antropólogo Rafael Quintía, unha sesión de contacontos a cargo de Enrique Mauricio e un obradoiro de debuxo guiado por Carlos Taboada. Para rematar a xornada, a artesá Pilar Silva compartirá con nós os seus saberes e axudaranos a levar á práctica as técnicas traballadas durante a sesión. Con acompañamento musical de Marcelo Dobode!
A actividade está orientada para familias con crianzas a partir de 3 anos.
O acceso é de balde, mais require inscrición previa.