Pablo Díaz fará unha viaxe a través dos contos coa música como fío condutor, tratando temas e rutinas adaptadas para os máis pequen@s. Para conseguilo, axudarase de instrumentos como frautas, guitarra, harmónica e algún dos seus temas máis populares.
Unha sesión relaxada onde a fantasía e a ilusión sexan as protagonistas, e na que grandes e miúdos axuden a cantar e a entoar as melodías e retrousos.
Está destinado a familias con nenos/as menores de 5 anos e futuras nais/pais.
O número de prazas por obradoiro son 30 nenos/as acompañados/as dunha persoa adulta. No formulario de inscrición debe anotarse o nome da crianza, sen ser necesario apuntar o nome da persoa adulta acompañante.