Este sábado 16 de marzo ás 18.00 h na Fábrica, a compañía Teatro Ghazafelhos representará Travesía Unicornio. Esta obra é unha adaptación ao teatro do libro de María Canosa gañador da primeira edición do Premio Anisia Miranda de teatro infantil. As persoas interesadas en asistir poderán inscribirse a través do formulario habilitado. Esta obra está recomendada para maiores de 5 anos.
Neste espectáculo un neno e o seu unicornio atópanse cunha xenia que lles promete facer realidade os seus desexos. Travesía Unicornio é unha obra chea de humor que cambia os roles tradicionais de xénero abrindo as portas a que as nenas e nenos decidan libremente sobre os seus gustos.