O corpus: danzas, máscaras e dragóns (Pontevedra)

No marco da actividade Un país de festas e ritos, achegarémonos en familia aos mitos e ritos do corpus. Falaremos sobre danzas, máscaras e dragóns! Aproveitando o noso patrimonio oral e fomentando o uso da lingua galega, desenvolveremos a creatividade e a imaxinación nunha actividade de aprendizaxe conxunta interxeracional, guiada por Rafael Quintía, de Ab Origine Antropoloxía, e por Quique e Carlos, de Polo Correo do Vento. Con acompañamento musical de Antón Ke e o seu ukelele.

Para familias con nenas e nenos de 3 a 6 anos.

Todas as actividades son de balde, mais é preciso incribirse para reservar praza.