A compañía Xarop Teatre inaugura o XXIII Festival Internacional Galicreques . Trátase dun espectáculo sen texto para bebés con títeres e obxectos que danzan e cantan ao ritmo da alegría da cor.
Pupi é un neno pequeno que se mergulla nos seus soños e lévanos con el ao mundo do xogo, dos seus garabatos que danzan e cantan ao ritmo da alegría e da cor. Esta é unha viaxe cara á imaxinación de Pupi, onde todas as cousas poden ser posibles e cobrarán vida para facernos sentir e soñar. Cando Pupi abre os ollos, algo no noso interior cambiou, porque el somos todos!
A partir de 9 meses.
Máis información e entradas en www.titerescachirulo.com/galicreques