Conssertasso na horta é unha viaxe pola horta musical de Brais das Hortas, polas súas loucuras e polas súas fantasías. Canción a canción, rego a rego, un feixe de personaxes levaranos de excursión polos variados cultivos sonoros deste veterano e ecléctico músico, con cancións de músicas diversas (reggae, ska, punk, hip-hop, rock, soul, trap…) para reivindicar con alegría e amor a vida e a rebeldía da nosa horta.