Zapatos é un espectáculo de Caramuxo Teatro especialmente recomendado para crianzas de 1 a 4 anos e as súas familias.
¿Que pasa con todos eses Zapatos que xa ninguén usa? Todos os días chegan a un recuncho dun agochado xardín fantásticas historias, as vivencias que traen consigo unha morea de zapatos de todos os tamaños e cores. Unha rapaza é a encargada de coidalos, de darlles a benvida ao lugar onde vivirán para sempre, un lugar onde compartir emocións coas belas bailarinas, con Pechecho e os seus irmáns, cos namorados, co Sol e a Nube, e con centos de compañeiros que teñen moito que contarnos.
Zapatos narra todas esas historias que levan dentro os zapatos que xa non teñen dono.
Data: martes, 25 de outubro
Horario: 1ª sesión ás 17:30 h e 2ª sesión ás 19:00 h (duración aproximada 30 minutos).
Lugar: Salón de actos do Concello de Carnota
Destinatari@s: recomendado para nenos e nenas de 1 a 4 anos e as súas familias.
Inscricións: 981106331 ou cultura@carnota.gal