Xogos Paporrubio en Compostela

Luchi Iglesias fabricou un mundo cheo de diversión e fantasía en que o paporrubio é o protagonista. Será o encargado de pechar os Martes de Contos deste mes de xullo no que, seguro, será unha tarde entrañable no emblemático parque de Bonaval xogando, merendando, contando, cantando…

O paporrubio, calzado cuns zoquiños, guía crianzas e maoires por unha eira chea de xogos. As participantes nesta aveuntura poden ilos descubrindo e sorprenderanse grazas ás pequenas historias contadas e cantadas polos animais e habitantes da granxa, elaborados como xoguetes, marionetas e xigantes.

A partir de 3 anos

Recoméndase levar unha esteira ou toalla para sentar no chan