Verde que te quero verde en Narón

As rúas e prazas de Narón acollerán todos os domingos de xullo unha nova edición do programa Verde que te quero verde, unha serie de espectáculos musicais dirixidos a persoas de todas as idades que se realizarán en diferentes prazas do municipio a partir das 12:30 h.

Os espectáculos para o público infantil son:

1º.- Brais das Hortas, o domingo 5 de xullo na praza Irmáns Freire de Xuvia

Estará co espectáculo Da eira cantareira, unha viaxe por contos e cancións do seu repertorio que combina o tradicional e o moderno.

2º.- Xoán Curiel, o domingo 12 de xullo na rúa Vinte e Cinco de Xullo do Alto

Música galega na que tocará diferentes estilos como o funk, o rock ou a bossa nova, sintonizando coa onda do Xabarín

3º.- Pakolas, o domingo 19 de xullo, na rúa Francisco Pizarro, na Solaina

Unha proposta cargada de música e humor para contar varias historias fantásticas cos animais como protagonistas.

4º.- Fantasía coas palabras, o domingo 26 de xullo na rúa Mariña Española da Solaina (nas Vivendas da Mariña)

María Faltri e Jorge Juncal presentan un formato para público infantil e familiar cun amplo repertorio de cancións para aprender e, ao tempo, divertirse.

Todos os espectáculos serán de balde e de entrada libre.

Organiza: Padroado da Cultura do Concello de Narón

Debido á situación actual provocada polo Covid-19, as persoas asistentes deberán cumprir coas medidas de seguridade establecidas.