Un pobo de oficios e saberes: costureiras e palilleiras (Pontevedra)

Un pobo de oficios e saberes é un programa de actividades en familia que xira arredor dos oficios tradicionais galegos, o artesanado e os saberes populares. Desta volta, aprenderemos sobre o labor das costureiras e palilleiras a través dunha charla do antropólogo Rafael Quintía, unha sesión de contacontos a cargo de Enrique Mauricio e un obradoiro de debuxo guiado por Carlos Taboada. Para rematar a xornada, a artesá Pilar Silva compartirá con nós os seus saberes e axudaranos a levar á práctica as técnicas traballadas durante a sesión. O acompañamento musical pono Marcelo Dobode!

A actividade está orientada a familias con crianzas a partir de 3 anos.

O acceso é de balde, mais require inscrición previa.