Umami – Contos no parque (Santiago de Compostela)
11 Agosto|18:00 - 19:00
Navegación de Actividade
11/08/2026
Os martes do mes de agosto temos unha cita no parque de Bonaval! As actividades do Apego saen fóra e invítanvos a vir escoitar, participar e socializar en galego todos os martes ás 18 h na zona da plataforma dos arcos. Non esquezades traer a mantiña e a merenda que alí estarán os contos, cantos, monicreques…
O segundo martes do mes, Pérez&Fernández trae Umami!
Un contacontos participativo que convida a saborear historias coa mesma curiosidade coa que se descobren os sabores.
A través dunha escolma de contos cheos de humor, emoción e tenrura, este espectáculo achega relatos que falan de igualdade, diversidade, feminismo e de novas masculinidades, poñendo no centro o respecto, a empatía e a liberdade de ser e sentir.
Un espectáculo para degustar sen présa, onde cada conto deixa un pouso especial. Umami é o quinto sabor: o que non é doce, nin salgado, nin amargo, nin acedo; existe porque se mesturan cousas. Como a diversidade: non é rosa nin azul, non é unha soa categoría.
O acceso é aberto e de balde. En caso de choiva consultade as redes do Departamento de Lingua Galega do Concello de Santiago (facebook e instagram).