Tardes xogantinas en Compostela

Xoguetoloxía, xogos predeportivos, populares e tradicionais, coa lingua e a tradición oral, de enxeño e intelixencia, musicais, bailados… e un laboratorio xogantín para pasarmos un tempiño socializando en galego a través do xogo.

Xandobela guiará este espazo lúdico-didáctico, onde poderedes deixar as vosas crianzas durante unha hora e media coa seguridade de que o han pasar xenial xogando, contando e cantando.

Todos os mércores desde o 13 de marzo ata o 26 de xuño (agás non lectivos)

De 3 a 6 anos

Inscrición na recepción do centro 10 minutos antes do comezo de cada sesión. 15 prazas