Tardes de contos – Espazo Apego de Santiago

A lingua sérvenos para contar historias. Diso van as tardes de contos: lemos, contamos, inventamos, escoitamos e traballamos coa literatura oral e escrita para explicar o mundo ou imaxinalo. Cada martes no Espazo Apego dedicamos a tarde aos contos.

Dividimos, por idades, a actividade de cada martes. Para acudir cómpre inscribirse escollendo e cubrindo o formulario:

Inscrición Tarde de contos 11/10/2022 17 h (0-3 anos)

Inscrición Tarde de contos 11/10/2022 18.15 h (3-6 anos)

O prazo para anotarse remata ás 12 h do día anterior á actividade.  As prazas asígnanse por orde de entrada das inscricións e confírmanse mediante unha mensaxe ao correo electrónico facilitado, unha vez pechado o prazo.

Para anular a praza ou calquera outra incidencia pregámosvos que enviedes un aviso ao noso enderezo habitual: dlg@santiagodecompostela.gal

O acceso ao espazo abre uns quince minutos antes de cada actividade. Aconséllase acudir con roupa cómoda.