OS MARTES HAI TARDE DE CONTOS!
Contos de calquera das maneiras posibles para achegar a cativada á literatura oral e escrita.
Para nenas e nenos ata 6 anos. 37 prazas totais.
Os martes (agás festivos).
É obrigatorio inscribirse neste formulario, tamén dispoñible na páxina do Departamento de Lingua Galega do Concello de Santiago.
Unha mesma persoa adulta pode acudir con máis dunha crianza, sempre que poida termar que se manteñan dentro do espazo asignado para garantir as distancias de seguridade entre grupos familiares. Prégase que, como máximo, acuda unha persoa adulta por crianza.
Para poder seguir as normas de seguridade, o acceso ao espazo comezará arredor de quince minutos antes de cada actividade. Na sala de actividades éntrase sen calzado (aconséllase acudir con calcetíns grosos e roupa cómoda) e será obrigatorio o uso de máscara para as persoas adultas.