Nesta aventura emprenderemos unha viaxe emocional ao centro dos soños, unha proposta onírica e valente que mestura música e poesía para falarnos de personaxes femininas que soñan con sentirse en paz e liberar os seus segredos, personaxes que non queren ser xulgadas polo seu aspecto ou identidade, libres para seren elas mesmas e chegar a tocar a lúa.
As cancións que se interpretan forman parte do libro disco “Fantasía coas palabras” publicado pola editorial Galaxia.
Espectáculo musical recomendado de 3 anos en diante. Vai contar con intérpretes en lingua de signos de XOGA (Organización de Diversidade Funcional de Galicia).