Sole Felloza: Seres máxicos do Reino de Galicia – Moaña

Olláparos, nubeiros, cervas brancas, maruxainas, urcos ou xigantes protagonizan contos para recoñecer a fráxil maxia do territorio.

Este espectáculo de narración oral recupera os seres máxicos do imaxinario galego e os achega á rapazada a través da palabra e dun mapa creado por Manuel Gago e Leandro Lamas para o Festival Atlántica.

Está financiado co programa Ler conta moito e vai contar con intérpretes en lingua de signos en galego de XOGA (Organización de Diversidade Sensorial de Galicia).