RADIO BULEBULE, música para cantar e bailar en familia

O Servizo de Normalización Lingüística de Rianxo organiza este espectáculo e convídavos a vivir a radio en directo nun divertidísimo programa cheo de humor, baile e cancións, que ten de todo: deportes, servizos informativos, o tempo, axenda cultural. A mellor guía para descubrir as últimas tendencias, e mesmo para crear xuntos un gran éxito vogal. É unha fantástica oportunidade de sintonizar unha radio moi especial que fará gozar a toda a familia con cancións en galego a ritmo frenético…

O espectáculo celebrarase o sábado 24 de febreiro, ás 18.30 h, no auditorio de Rianxo.

As entradas son de balde e poderanse retirar dende unha hora antes do comezo da función no propio espazo.