Pérez&Fernández estrean Rosa e azul en Moaña

Este espectáculo de narración oral reflectirá unha realidade que as nenas e os nenos deberan xa coñecer. Nesta realidade hai princesas que botan peidos, bruxas que non son malvadas, un neno que leva posto un vestido rosa ou un pai que é ama de casa, e que?

Azul e Rosa é unha coidada selección de contos non sexistas que pretende eliminar valores e actitudes estereotipadas.

Esta actividade está enmarcada dentro do programa Ler conta moito da Xunta de Galicia, vai ser signada por XOGA (Organización de Discapacidade Sensorial de Galicia) e desenvolveranse segundo as normas de hixiene e prevención por mor da COVID-19.