Outra proposta para o espazo teatral da Festa do Apego de Santiago vaina achegar Elefante Elegante coa súa obra Patapatum.
A música, as máscaras e os xestos dos personaxes, sen palabras, crean un universo cómico que viaxa do realismo á hipérbole da nosa vida diaria. Unha reflexión sobre o tempo, a infancia, e como enchemos os baleiros das nosas ausencias.
Sorpresas, agasallos, un monte de agasallos! As nenas e nenos emocionados non dan feito con tantos xoguetes e os adultos, ligados á espiral do tempo, cheos de compromisos e obrigas, non son quen de atopar un momento para compartir a fantasía dos pequenos.
Sala Mozart (Auditorio de Galicia).
A partir de 3 anos.