Espectáculo de narración oral para nenas e nenos de tres anos en adiante.
Pavís Pavós é un grupo de contacontos que recupera nas súas sesións o xeito tradicional de narrar as nosas historias, pero tamén as nosas adiviñas, refráns ou xogos para que non desaparezan.
Entrada de balde por orde chegada ata completar as prazas da Capela do C.C. Torrente Ballester. Abriranse as portas 30 min antes da hora prevista de comezo.
NOTA: esta actividade substitúe ao obradorio Palma e repalma, que por razóns de organización queda reservado para a programación do primeiro semestre de 2018.