Este concerto de Pablo Díaz xunto coa súa banda, TIC TAC TOC, son case os primeiros concertos pop-rock-folk para a xente miúda.
Poderemos cantar coa banda os temas máis divertidos do último traballo “TIC TAC TOC” e repasaremos os temas máis emblemáticos dos anteriores traballos “TIC TAC” e “TOC TOC”.
A banda está composta por 6 músicos de gran prestixio que van percorrer diferentes estilos musicais: Folk, pop, rock…
Pablo Díaz: voz, guitarra, clarinete, gaita, harmónica; Diego Barral: guitarras; Antón Díaz: baixo eléctrico; Álex Fente: acordeón; Carlos Freire: batería; Olga Kirk: voz, baile e percusión.
Este concerto infantil para todos os públicos vai ser signado por Xoga (Organización de Discapacidade Sensorial de Galicia), é dicir, vai contar cunha persoa intérprete en lingua de signos.