Os Contos do Chupete é unha sesión de contos para bebés na que se integran música en directo, literatura infantil, expresión dramática e tradición oral. Os cativos de 0 a 3 anos poderán chuchar contos, cancións e arrolos ata encher a barriguiña nesta proposta para bebés na que gozar en familia.
O espectáculo terá lugar na Fábrica, en Perillo, ás 12.30 horas. A duración é de 30 minutos e para asistir é preciso inscribirse previamente enviando un correo a lingua@oleiros.org ou chamar por teléfono ao 981 610 000, extensión 4905.