A orella pendella é unha actividade de narración oral para xogar cos ditos infantís de sempre que nos presenta Migallas Teatro e que xorde a partir do traballo recollido en www.orellapendella.org. Nesta sesión, programada para o persoal que traballa nas escolas infantís municipais de Piñeiros, A Solaina e A Gándara e da Galiña Azul de Narón, escoitarán e aprenderán unha chea de recursos infantís en galego como xogos, ditos e cancións tradicionais, acompañados de música en directo, que logo poderán empregar cos nenos e nenas e as súas familias, o que ademais de servir como material lúdico e pedagóxico, contribuirá á súa socialización en galego.
Data: sábado, 14 de abril de 2018
Horario: ás 10:30 h (duración aproximada 45 minutos)
Lugar: escola infantil municipal da Solaina
Destinatari@s: persoal que traballa nas escolas infantís municipais da Gándara, Piñeiros e A Solaina e na Galiña Azul de Xuvia.