Obradoiro para gozarmos mentres aprendemos a bailar os temas co repertorio de Na punta do pé de Pesdelán
Con música gravada, o obradoiro está impartido por Montse Rivera, que nos ensinará bailes para que peques e maiores gocemos da nosa música e baile tradicional.
O obradoiro está destinado a crianzas de maiores de 3 anos acompañadas por unha persoa. É necesaria a inscrición só para as crianzas (non para as persoas acompañantes), que se abrirá a partir das 10.00 horas do 9 de abril.