Obradoiro de coleo – Espazo Apego de Santiago

Charlas e obradoiros prácticos sobre diferentes aspectos da crianza: seguridade viaria, coleo, aleitamento, nutrición, oferta das escolas infantís municipais, crianza plurilingüe, as vantaxes de medrar en galego, recursos educactivos, educación emocional, como contar contos, a música na crianza, ergonomía e movemento… Os mércores a familia vai á escoliña!

Este mércores toca “Obradoiro de coleo” impartido por Gaia Ecocrianza no Espazo Apego!

Que é o coleo? E a xestación exterior? En que consiste a teoría do apego? Por que deberiamos colear? Cal é a perspectiva do bebé? E a de quen colea? etc. Son algunhas das moitas cuestións que se tratarán nesta charla-obradoiro sobre os beneficios de colear e os tipos de portabebés.

Dirixido a familias que agardan un bebé e con crianzas de entre 0-5 anos.

Primeira sesión: 16.45 h / Segunda sesión: 18.40 h

O espazo Enredando convértese nun espazo de conciliación para persoas que teñan que acudir con crianzas ao obradoiro. Dirixido a crianzas entre 2 e 6 anos é un lugar de entretemento activo en que se promove a socialización e a expresión verbal, xestual, corporal…manexando ditos, cancións, xogos…

Inscrición previa en dlg@santiagodecompostela.gal (indicar sesión de preferencia, nome completo, idade de cada unha das persoas asistentes, se precisa facer uso do espazo de conciliación Enredando e teléfono de contacto). O prazo para inscribirse na actividade comezará ás 00 horas do mércores da semana anterior.

Para poder seguir as normas de hixienización, o acceso ao espazo comezará arredor de vinte minutos antes da actividade. Na sala de actividades entrarase sen calzado (aconséllase acudir con calcetíns grosos). É obrigatorio o uso de máscara en todo o local.