A nosa protagonista, Alí, aparece transmutada na popular figura do “encanto”, unha fada que vive onda unha fonte entre as penas da serra. Con todo, aló arriba cada vez visítana menos persoas, así que é ela quen decide baixar á vila para poder seguir transmitindo a súa fala máxica.
A rapazada vivirá unha historia, guiada por Lydia Botana “Bolboreta”, mentres as persoas maiores van coñecendo diferentes recursos para a crianza en galego.
Inscrición
Para asistir a esta actividade é necesario reservar praza no correo gnl@ferrol.es . Deberase indicar un teléfono de contacto e o nome e apelidos da/do menor e das persoas que a/o acompañan. Posteriormente as persoas solicitantes recibirán unha mensaxe no correo electrónico para confirmar a praza.
O prazo para anotarse estará aberto ata as 15.00 horas do día anterior á actividade.