Todos os membros da familia de Amabel teñen superpoderes: unha forza descomunal, a velocidade do raio, unha intelixencia abraiante e mesmo a capacidade de facerse invisibles. Pero Amabel aínda non sabe cal é a súa actividade extraordinaria. Para descubrilo embarcarase co seu amigo Braulio en aventuras moi peculiares.
O poder de Amabel fala do amor incondicional á familia, do poder da amizade e, sobre todo, da aceptación dun mesmo.
Esta peza de teatro de monicreques e actores para público familiar está inspirada na novela infantil de Érica Esmoris, recentemente galardoada co premio “Merlín 2015” por Nena e o mar.