O gaiteiro bucólico no LSC de Marrozos (Compostela)

Os 12 doces de outono falan tamén de música n’O gaiteiro bucólico con Simón Piñón. Espectáculo teatral e concerto didáctico recomendado para nenos/as maiores de 3 anos.

O gaiteiro bucólico é un músico que, coma moitos outros, caeu no esquecemento por non ter repercusión mediática no seu día… Pedro, o seu tataraneto, que herdou os seus instrumentos, as súas notas e os seus trebellos, vainos amosar neste concerto didáctico máis de 20 instrumentos musicais tradicionais coa axuda tamén de ilustracións que nos levarán a entender a historia da nosa música.