Comer é un pracer, mais antes hai que cociñar e escoller os mellores produtos: porque as mazás poden ser verdes ou vermellas, as galletas grandes ou pequenas, os tomates da casa ou do outro lado do mundo.
A min encántame o doce!
Pois eu prefiro o salgado!
Facer unha receita, e facela ben, non é tan doado como parece. Hai que ter bos ingredientes, mesturalos na orde precisa e con cariño. Dúas persoas ás que lles encanta comer e unha receita. Como saberán esas novas galletas?
Ñam! é un espectáculo moi visual, envolvente, que mestura disciplinas como o teatro e a danza, en clave de comedia.
Data: domingo, 24 de novembro de 2019
Hora: ás 18:00 h (duración 40 minutos)
Lugar: Pazo da Cultura do Concello de Narón
Destinatari@s: recomendado para nenos e nenas a partir de 1 ano
Entrada: entradas á venda na billeteira do Pazo da Cultura de Narón ou a través da web www.padroadodecultura.es. Prezos: tarifa abonad@s: 6,65€; público xeral: 9,50€; reducida: 6,65€ (con carné Xove ou de estudante (ata 24 anos) e desempragad@s); nen@s: 5.50€ (A venda de entradas a tarifa reducida farase unicamente a través da billeteira do Pazo da Cultura de Narón, presentando a debida documentación. +info 981 102 897)
Organiza: Padroado da Cultura do Concello de Narón
+ info: no Facebook do Padroado da Cultura do Concello de Narón