Música Miúda en concerto – Moaña

Esta banda está composta por Irene Quinteiro, Miguel Alonso, Óscar Martínez e Manu Pazos que mesturan contos e cancións de creación propia. Poñen especial fincapé na diversidade e integración cunha perspectiva de xénero e de promoción da nosa lingua.

Neste espectáculo danse a man os dous contacontos musicais deste proxecto, “Historias de Bemol Pequeno” e “Cambia o conto”.

A meiga Xela, o dinosauro Pepón, Antía Carapuchiña, o pirata Efrén e máis personaxes lévanos pola vila de Bemol Pequeno para aprender, cantar e divertirse nun espectáculo de música en directo para toda a familia!