A meiga Silva vive nunha fonte que concede desexos á xente de bo corazón.
Cada ano, a fada Pupeiriña axúdaa a conxurar un meigallo para manter os seus poderes, pero ultimamente anda moi distraída co TikTok, xa que pretende ser a primeira fada influencer.
Grazas ás súas publicacións, a malvada Lambirón localiza á súa amiga Silva e envelena as augas da fonte. Pupeiriña precisará a axuda de Diantre e dos nenos e nenas do público para rescatar a Silva e recuperar o poder das augas.
Teatro musical, no que se conxuga tradición e actualidade, recomendado a partir dos 3 anos.
Mediante figuras do imaxinario popular galego, alértase das consecuencias do mal uso da tecnoloxía e das redes sociais. Á par, ponse en valor o patrimonio natural galego e proponse o seu mantemento mediante a colaboración veciñal.