Magín Blanco e Gatuxo musical en Moaña

Dous músicos e unha cantante interpretan en directo o repertorio de Gatuxo para o deleite das familias e os seus pequenos e pequenas, como resultado dun concerto íntimo onde poder experimentar a maxia de crecer.

Gatuxo é unha metáfora do crecemento da crianza e da descuberta do mundo dende unha perspectiva artística: o Gatuxo é arquitecto dunha caixa, é músico na cociña, é pintor de garabatos, é bailarín de claqué, é cantante, é monicrequeiro cos obxectos cos que brinca e, por suposto, é o narrador da súa propia historia.

Para poder seguir as normas de hixienización, o acceso ao espazo comezará arredor de vinte minutos antes da actividade. É obrigatorio o uso de máscara en todo o recinto.