A Idade dos Metais, con Polo Correo do Vento, Ab Origine e Marcelo Dobode (Pontevedra)

A historia de Galicia desde a Prehistoria ata o século XIX será o fío condutor dunha serie de actividades familiares lúdico-formativas, ideadas e guiadas por Polo Correo do Vento e Ab Origine no marco do programa Apego. Desenvolveranse ao longo do ano en distintas parroquias e localizacións do concello de Pontevedra, en lugares de doado acceso que dean a coñecer o noso patrimonio.

Trátase de actividades de hora e media de duración, que constan de: pequena explicación didáctica sobre unha determinada etapa histórica, obradoiro creativo no que se confeccionará un obxecto relacionado coa etapa que se traballe, contacontos e obradoiro de debuxo guiado, con acompañamento musical de Marcelo Dobode.

Para familias con crianzas a partir de 3 anos.

*Cómpre inscrición previa en apuntate.pontevedra.gal.