A gran viaxe de Inventi Teatro en Moaña

A capitá Centella e o doutor Potasio chegan coa súa nave á terra na procura do ziscornio, o elemento necesario para salvar o seu planeta que está sendo atacado por bichos malignos.

Co elemento secreto, Centella e Potasio soben á súa nave espacial e dispóñense a despegar, pero comezan os problemas! rompe o vehículo, perden o mapa, chegan os malos e a cousa complícase…

Poderán Centella e Potasio regresar ao seu planeta? Conseguirán que as boas xentes da terra os axuden?

Pasen e vexan se estes intrépidos aventureiros, que chegarán a Moaña nun fantástico vehículo espacial composto por un antigo 600 e un propulsor remolcado, dan conta do recado.