Charlas e obradoiros prácticos sobre diferentes aspectos da crianza: seguridade viaria, coleo, aleitamento, nutrición, oferta das escolas infantís municipais, crianza plurilingüe, as vantaxes de medrar en galego, recursos educactivos, educación emocional, como contar contos, a música na crianza, ergonomía e movemento… Os mércores a familia vai á escoliña!
O mércores 10 de xuño temos unha charla “Seguridade viaria: a contramarcha” impartida por Gaia Ecocrianza no Espazo Apego!
Falarase sobre a importancia de que as crianzas viaxen a contramarcha o maior tempo posible e sobre sistemas de retención infantil.
Para familias que agardan un bebé e con crianzas de entre 0-5 anos.
O espazo Enredando convértese nun espazo de conciliación para persoas que teñan que acudir con crianzas ao obradoiro. Dirixido a crianzas entre 2 e 6 anos é un lugar de entretemento activo en que se promove a socialización e a expresión verbal, xestual, corporal…manexando ditos, cancións, xogos…
Inscrición previa en dlg@santiagodecompostela.gal (indicar nome completo, se precisa facer uso do espazo de conciliación Enredando, idade de cada unha das persoas asistentes e teléfono de contacto). O prazo para inscribirse na actividade comezará ás 00 horas do mércores da semana anterior.
Para poder seguir as normas de hixienización, o acceso ao espazo comezará arredor de vinte minutos antes da actividade. Na sala de actividades entrarase sen calzado (aconséllase acudir con calcetíns grosos). É obrigatorio o uso de máscara en todo o local.