A estimulación musical temperá – Espazo Apego

Leticia Falcón vainos ensinar algo tan importante como que traballar a música, así como a lingua primeira, fomenta a aprendizaxe dun xeito natural e achégalles ás crianzas unha experiencia rica tanto no vocabulario da nosa lingua como na linguaxe sonora. Neste obradoiro poderemos ver  música empregando materiais inéditos e ferramentas musicais básicas.

Dirixido a crianzas de 3 a 6 anos.

Inscrición previa en dlg@santiagodecompostela.gal (indicar nome completo, idade de cada unha das persoas asistentes e teléfono de contacto). O prazo para inscribirse na actividade comezará ás 00 horas do xoves da semana anterior.

Para poder seguir as normas de hixienización, o acceso ao espazo comezará arredor de vinte minutos antes da actividade. Na sala de actividades entrarase sen calzado (aconséllase acudir con calcetíns grosos). É obrigatorio o uso de máscara en todo o local.