Danzando co outono, con Laura Fernández Rey (Pontevedra)

Actividade que combina movemento, lingua e natureza. Un fermoso centro cheo de cores, olores e produtos ligados ao outono daralle a benvida ao grupo. Conectaremos co outono a través destes elementos: respirando, danzando, descubrindo os produtos e aprendendo pequenas cancións ou poesías. Acompañadas pola música e diferentes materiais, transformarémonos en múltiples elementos do noso medio natural, explorando as palabras e integrando a lingua a través do noso corpo e o movemento, compartindo e divertíndonos.

Para familias con crianzas de 1 a 6 anos.

Actividade de balde, mais require inscrición previa.