Obradoiro; de 0 a 6 anos; ata 20 familias
Nesta actividade viaxamos a un mundo imaxinario utilizando como vehículo un conto e o noso corpo, sentindo que somos as nubes, a chuvia, o lume, as follas que leva o vento… converténdonos en diferentes personaxes, transportándonos a historias máxicas que nos levan a explorar e coñecer a nosa contorna a través do movemento e da lingua.
Levade calzado cómodo ou calcetíns grosos para descalzarvos. Para as familias con bebés, recomendamos levar mochila portabebés para poder movervos libremente e desfrutar mellor da actividade. As familias que tedes nenos ou nenas nas idades das dúas sesións é recomendable que vos apuntedes nesta sesión, a das 12.30 h.
Cómpre inscrición en apuntate.pontevedra.gal