Marta Ortiz. “Coser e cantar” (+4 anos)
Con fío, agulla e dedal enfíame un conto xa! Comezamos a viaxe nun taller de costura, un lugar máxico aos ollos da nena protagonista que escoita contos, copas, cancións en boca da súa avoa, nai e tía mentres traballan. Contos tan antigos como o oficio da costura. Puntada a puntada percorreremos mundos onde os fíos falan, as caixas de costura abren as portas da fantasía e os bastidores de bordar son ventás onde asomarse a historias prohibidas.
Esta actividade trasládase ao Espazo Apego por causa da chuvia, o que obriga a limitar o número de prazas dispoñibles. É, polo tanto, necesario cubrir o formulario de inscrición (aberto ata o día 6 ás 12 h) e comprobar no correo electrónico que a praza está confirmada.