Conversas con Tana de Al Guanella en Moaña

Conversas con Tana é un espectáculo teatral, baseado na ventriloquía (ou titiriteiro á vista), no que un granxeiro e a súa cadeliña Tana manteñen unha fluída e divertida conversa na que afloran diálogos delirantes como os que aparecen desde a presentación dos personaxes, ata desencadear en asuntos tales como o fomento do hábito da lectura, o coidado e respecto do medio, o penso, a alimentación en xeral, a igualdade de xénero, a música, o cepillado dos dentes e outras cuestións perrunas e humanas que, tratadas desde o humor e a sensibilidade, fan as delicias de nenos, nenas e persoas adultas…

Esta actividade recomendada a parir dos 5 anos vai ser signada por Xoga (Organización de Discapacidade Sensorial de Galicia), é dicir, vai contar cunha persoa intérprete en lingua de signos.