MARTES DE CONTOS NO PARQUE!
É tempo de andar ao aire libre e… un ano máis gozar de historias no parque de Bonaval!
O terceiro martes de contos no parque traerá a Felipe Díaz ‘Caxoto’ a San Domingos de Bonaval, desta volta cos seus “Contos a pé de rúa”. Un particular varredor municipal chega á praza para realizar a súa función. Ante a contrariedade de atopar a praza chea de xente, colga durante un intre a súa vasoira de xestas e disponse a compartir historias, xogos, cantigas…
De 0 a 6 anos
Reserva de entradas a partir do 27 de xullo en reservas.gal. As entradas poderán retirarse a partir do xoves anterior a cada un dos espectáculos.