OS MÉRCORES A FAMILIA VAI Á ESCOLIÑA!
Obradoiro en que se van traballar os tan importantes conceptos e prácticas de medrar en igualdade e como eliminar da educación toda forma de violencia. Empregaranse xogos e contos para axudar a establecer relacións sas e equilibradas baseadas no respecto, para servirnos de guía e para pór en contexto este 25 de Novembro, Día Internacional contra a Violencia de Xénero.
Para familias con crianzas entre 3 e 6 anos.
Para poder cumprir as normas de distanciamento, todas as actividades terán un límite reducido de asistentes e precisarán inscrición previa na páxina web do Departamento de Lingua Galega do Concello de Santiago delingua.santiagodecompostela.gal. Para anotarse cómpre ir á sección de actividades, entrar na escollida, premer no formulario de inscrición e cubrilo. Os formularios estarán habilitados desde unha semana antes de cada convocatoria ata o día anterior á súa data. As prazas iranse asignando por orde de entrada e confirmaranse mediante unha mensaxe ao correo electrónico facilitado. En caso de querer anular a inscrición, para facilitar que acuda outra persoa da listaxe de agarda, pregámosvos que enviedes un aviso ao noso enderezo habitual: dlg@santiagodecompostela.gal
Para poder seguir as normas de hixienización, o acceso ao espazo comezará arredor de vinte minutos antes de cada actividade. Na sala de actividades entrarase sen calzado (aconséllase acudir con calcetíns grosos e con roupa cómoda). É obrigatorio o uso de máscara.