Contacreques en Carballo

Contacreques, da compañía Eme2

Martes 26 de decembro | 18.00 h | Auditorio do Pazo da Cultura de Carballo

Un espectáculo poético, divertido, áxil e desenfadado con voces de contacontos e corpos de monicreques dirixido a un público comprendido entre os 3 anos e os 7 anos. Baseado nos contos clásicos O Reiseñor, Garavanciño e O Zapateiro e os trasnos.

Garavanciño: As peripecias dun minúsculo personaxe nun mundo de “xigantes”. O Reiseñor: Na remota China, o canto dun paxaro revélalle o goce de vivir a un emperador. O Zapateiro e os trasnos: A maxia dun Zapatrasno que é quen de transformar a realidade.

PARTICIPACIÓN: nenas e nenos a partir de 3 anos. O prezo da entrada xeral é de 3 € e a reducida de 2 €. Reserva na Biblioteca Rego da Balsa, no teléfono 981 758 580, do 18 ao 21 de decembro (máx. 4 por persoa). Os días de función na billeteira do Pazo da Cultura pódense recoller as reservas de 16.00 h a 17.00 h e mercar entradas sen reserva, en caso de quedaren dispoñibles, de 17.00 h a 18.00 h.

Organiza: Concellaría de Cultura do Concello de Carballo, no marco do programa Nadal Pequespectacular